Pas ankesave të studentëve për provimin e Gjuhës Shqipe e të Letërsisë për të cilin u pretendua se ishte jashtë çdo standardi reagoi pedagogia Lili Sula.
Përmes në komenti në rrjetin social “Facebook”, Sula thekson se testi ishte pazakontë, jashtë standardit lëndor, me synimin për të vlerësuar sa nuk dinë nxënësit e jo sa dinë.
Ndër të tjera pedagogia theksoi se është fyerje e madhe për të gjithë maturantët.
Postimi i plotë i pedagoges Lili Sula
Në emër të “origjinalitetit”, në ndryshim nga vendet e tjera, në këtë vit të pazakontë për të gjithë, maturantët tanë u testuan në provimin e Gjuhës Shqipe e të Letërsisë përmes një testi të pazakontë, jashtë standardit lëndor, me synimin për të vlerësuar sa nuk dinë nxënësit e jo sa dinë.
Fyerje e madhe për të gjithë maturantët, si dhe për nxënësit që i duan këto lëndë e që kanë mësuar tre vjet, por që papritur u gjendën nën kontroll absurd njohurish.
