Ka përfunduar para pak minutash mbledhja e Komisionit parlamentar të reformës zgjedhore. Mbledhja e sotme u thërrit nga Damian Gjiknuri me qëllim për të informuar anëtarët e komisionit për marrëveshjen e arritur në Këshillin Politik dhe ecurinë e mëtejshme të reformës.
Pas mbledhjes ai ka deklaruar se PS iu qëndron marrëveshjeve dhe nuk bëhet palë me shkelësit e tyre. Për trajtimin e sistemit, ai tha se është dhe një kusht për integrimin europiain.
“Kjo ishte një seancë informuese. Një pjesë e anëtarëve të opozitës thonë se nuk e njohin Këshillin Politik. Por unë shpresoj se deri në fund do të kemi reflektim. Unë shpresoj po ashtu se deri në fund të arrijmë marrëveshje.
Ne jemi parti që iu qëndrojmë marrëveshjeve dhe nuk bëhemi palë të shkeljes së marrëveshjes. Kjo paketë është në dobi të shqiptarëve. Çështja e sistemit zgjedhor është edhe një kusht për integrimin europiain”, tha Gjiknuri.
Opozita parlamentare ka institucionalizuar sot kërkesat e saj për ndryshimin e sistemit zgjedhor, pasi ka depozituar në Kuvend një draft ku kërkon ndryshime kushtetuese.
Ditën e hënë do të paraqiten amendimet e plotë të kodit zgjedhor.
