Njëri prej tri autoportreteve të Rembrandtit, do të shitet në ankad nga “Sotheby’s” në fund të korrikut për 12-16 milionë sterlina, njoftoi shtëpia e ankandeve.
Provat shkencore kanë konfirmuar se piktura që i ishte dhuruar Fondit Kombëtar Britanik, nga një përkrahës i pasur, është një autoportret i Rembrandtit, me vlerë dhjetëra miliona dollarë.
Tabloja me përmasat 15×20 centimetra, nënshkruar dhe datuar në vitin 1632 nga mjeshtri i madh holandez, përfaqëson atë në moshën të re me veshje të zezë dhe një kapele dhe një jakë të madhe me dantellë të bardhë.
Fondi Kombëtar tha se testet e bojës, firmës dhe korniza prej druri konfirmuan autenticitetin e potretit të pikturuar në vitin 1635, kur Rembrandti ishte 29 vjeç.
Sipas George Gordon i ”Sotheby’s”, veshja zyrtare, e pazakontë në mesin e dhjetëra portreteve të artistit, sugjeron që ai mund të ketë dashur ta tregojë veten në ditën e tij më të mirë, ndërsa ai ishte në oborr me atë që do të bëhej muza dhe gruaja e tij, Saskia, me qëllim për të bindur prindërit e tij se ai ishte në rrugën e duhur.
Realizuar menjëherë pas vendosjes së tij në Amsterdam, tabloja gjithashtu mund të shërbejë si një kartëvizitë dhe t’u tregojë klientëve të tij të mundshëm situatën e lulëzimit të piktorit.
“Tabloja ishte realizuar në një kohë shumë të shkurtër”, theksoi Gordon, sepse sfondi ende nuk kishte mbaruar me tharje kur artisti kishte vendosur nënshkrimin e tij.
Portreti i artistit, mendohej për një kohë të gjatë se ishte vepër e një prej nxënësve të tij dhe ishte konsideruar si pikturë “në stilin” mjeshtrit holandez të shekullit të 17-ë.
Por eksperti kryesor i Rembrandtit, Ernst van de Wetering, e deklaroi atë një origjinal të tij./Nga Leonard Veizi/Fjala.al/
