Fërshëllima e trefishtë e arbitrit Rocchi në stadiumin San Paolo, sanksionoi kalimin e Napoli në finalen e madhe të Kupës së Italisë. Skuadra e mbrojtësit shqiptar Elseid Hysaj u ndal 1-1 por avancon më tej falë suksesit në transfertën në San Siro. Në finale të kaltërit do masin forcat me Juventus.
Kështu finalja e Kupës së Italisë të mërkurën në Romë zbulohet ajo Napoli-Juventus. Armata e Gattuso vërtet u ndal 1-1 por kishte fituar 0-1 në San Siro dhe kalon turnin.
Inter prishi ekuilibrat me parabolën nga një goditje këndi e Eriksen, që mashtroi portierin Ospina që la për të dëshiruar. Por portieri i shtëpisë pa tifozë reagoi mirë ndaj Lukaku në 32′, dhe mbi Candreva 40′.
Portieri kolumbian me një rivënie nisi dhe aksionin e barazimit kur Insigne shërbeu Mertens që mposhti sllovenin Handanovic.
