Sulmuesi i Kosovës, Milot Rashica dështoi të shënonte një gol të lehtë nga pika e bardhë e penalltisë në ndeshjen e Bundesliga, të zhvilluar kundër Paderbornit, një veprim që zhgënjeu tifozët për lojtarin që vlerësohet rreth 40 milionë Euro.
Trajneri i Werder Bremen, Florian Kohfeldt ka thënë se do të flasë me Rashicën dhe se sipas Kohfeldt, Bremeni ka nevojë të madhe për cilësitë e futbollistit nga Vushtrria.
“Miloti u mundua shumë në ndeshjen e fundit dhe bëri disa aksione të mira, por nuk ishte në ditët e tij më të mira në aspektin ofensiv. Nuk do të ketë asnjë masë ndaj tij, sepse fatmirësisht fituam. Do të fas me të, sepse ne kemi nevojë për të në formë të mirë. Penalltia e humbur nuk do ta penalizojë, sepse ne të gjithë kemi nevojë për cilësitë e tij”, ka thënë Kohfeldt.
