Të gjithë pyesin sot nëse PD është e përgatitur të vijë ose jo në pushtet. Bujar Nishani tha në emisionin HARD TALK NGA ROLAND QAFOKU se PD ka eksperiencën dhe ekspertizën e duhur për të qeverisur vendin në mandatin e ardhshëm.
-A është e përgatitur PD për të ardhur në pushtet?
–Ne jemi në një krizë të thellë besimi të qytetarit në raport me shtetin. Kjo krizë besimi nuk është përgjegjësi e qytetarëve. Kjo krizë besimi është akumuluar për shkak të sjelljes që ka pasur shteti në raport me qytetarin. Ne flasim për një model qeverisjeje. Kjo krizë e madhe mund të rikuperohet vetëm përmes një ndryshimi thelbësor. Koha nuk është vetëm çështje e formalitetit, të rrotacioneve formale në çdo tetë vjet. Ka një pritshmëri dhe një nevojë të madhe për ndryshim.
Këtu qëndron përgjegjësia e madhe e opozitës për të kapitalizuar këtë pritshmëri. PD është një parti që ka 30 vjet eksperiencë politike dhe shtetërore. Ka brenda eksperiencës dhe rrugëtimit të saj momente të mëdha suksesi dhe momente të rënda dështimi. Momentet e dështimit jam i bindur që janë të rëndëishme për t’u përkthyer në eksperiencë. Momentet e arritjeve janë të rëndëishme për t’u kthyer në ekspertizë. Dhe PD ka edhe eksperiencën, edhe ekspertizën e nevojshme./Fjala.al/Ke.Ba
https://www.youtube.com/watch?v=-IDcDVAyUd8
