Si një politikan i ekuilibruar Bujar Nishani vlerëson edhe Partinë Socialiste. Në emsionin HARD TALK NGA ROLAND QAFOKU, ai përdori shprehjen se PS është vlerë dhe aktor i rëndësishëm në terrenin e politikës shqiptare.
-A po vuan PS sindromin e mandatit të dytë?
–E thënë nga goja ime do duket një qëndrim emocional politik sepse ne jemi kundërshtarë politikë. Por parimisht unë absolutisht e konsideroj PS, dhe këtë e them me shumë sinqeritet pavarësisht se si mund ta konsiderojë njëri dëgjues apo tjetri, e konsideroj një vlerë dhe një aktor shumë të rëndëishëm dhe të fortë. Vërtet jemi kundërshtarë politikë por ajo është një gjë që ekziston. Unë nuk mund të them që nuk ekziston dhe nuk është kjo që është. Por PS në gjykimin tim, sot është në një problem shumë të madh sepse ndodhet në një mutacion politik. PS ekziston si një ngrehinë, ekziston si një forcë elektorale por nuk ekziston si një forcë pushteti. Forcë pushteti sot është Rilindja e cila është një ngrehinë apo një guackë brenda PS. Unë e konsideroj një mish të huaj brenda PS-së./Fjala.al/Ke.Ba
https://www.youtube.com/watch?v=xaCXymM10X0
