Në një sezon me oshilacione që i ndikua pashmangshmërisht dhe nga pandemia, Bayern Munich arrin të mbyllë llogaritë para kohe në Bundesliga, e të shpallet kampion. Armata e trajnerit Hansi Flick, mundi 0-1 Werder Bremen duke u kurorëzuar në fronin e futbollit gjerman dy ndeshje nga fundi.
Kjo është hera e tetë radhazi që bavarezët arrijnë të përvetësojnë “Meisterschale”, por këtë vit u duk sikur do kishin shumë probleme prej rivalitetit të Borussia Dortmund, dhe Leipzig. E kundërta ndodhi dhe qetësia e imponuar nga trajneri Flick që mori në duar ekipin më mes sezoni, u reflektua dhe në rezultate.
Triumfi 0-1 në Bremen ishte vepër e futbollistit më të mirë të Bayern, e ndoshta të gjithë Bundesligës. Bomberi polak Robert Lewandowski shënoi një gol që e distancon më shumë edhe për Këpucën e Artë. Ekipi mik mbylli ndeshjen në inferioritet numerik pas kartonit të kuq në dëm të Davies por kjo nuk e cënoi suksesin domethënës.
Por si është panorama tani: Bayern Munich 76 pikë dhe Dortmund 66, edhe pse verdhezinjtë kanë 3 ndeshje për të zhvilluar, por ekipi bavarez ka mjaftueshëm, që festa e kufizuar me distancim social dhe jo me lumenj birre, të nisë për kampionët e rikonfirmuar.(fjala.al)
