Një grabitje me armë zjarri është regjistruar mbrëmjen e sotme në kryeqytet. Burime zyrtare bëjnë me dije se dy persona kanë grabitur një postë private në zonën e Astirit.
Mësohet se ata kanë kërcënuar me armë zjarri punonjësit dhe kanë marrë një sasi lekësh që ndodheshin mbi banak. Pas grabitjes mësohet se grabitësit janë larguar me një motorçikletë. Ngjarja ka ndodhur rreth orës 21:50, prane sheshit “Shqiponja”
Policia njofton se në të gjitha hyrje-daljet e Tiranës, janë ngritur pika kontrolli dhe ka shpërndarë në këto pika, identitetit e autorëve.
“Forcat e Policisë po krehin zonën dhe vijojnë kontrollet edhe në parkingje e ambiente të ndryshme. Grupi hetimor vijon punën për zbardhjen e rrethanave të ngjarjes, me qëllim identifikimin e autorëve. Policia e Shtetit fton çdo qytetar që mund të ketë të dhena mbi autorët, të telefonojnë falas në 112, duke u garantuar anonimatin.” thuhet në njoftimin e policisë
/En.Br./Fjala.al
