Disa muaj pas pengmarrjes dhe vrasjes së Jan Prengës në Shijak, mësohet të jetë arrestuar një prej të dyshuarve si rrëmbyes. Dyshohet që personi në fjalë të jetë Martin Gentian Bleta.
Dyshohet se paraditen e sotme është ndaluar jashtë vendit për verifikim Martin Bleta i cili e ka pasur emrin Gentian Bleta dhe e ka ndryshuar ne Martin Bleta.
Ky është i shpallur në kërkim ndërkombëtar nga Policia e Shtetit.
Burime të sigurta për “Fjala.al” bëjnë me dije se Interpol Tirana po bën verifikimet sipas procedurave nëse është ky personi i dyshuar që është ndaluar sot për verifikim apo jo.
Jan Prenga u mor peng në janar të këtij viti në zonën e Kamzës. Sipas policisë, shkak për këtë është bërë vëllai i tij, pasi ky i fundit bënte rolin e korrierit në një grup trafiku droge në Britaninë e Madhe.
Pengmarrësit i bënë presion pasi ai nuk kishte dërguar në destinacion një sasi kokaine prej 50-60 kg, duke marrë peng Jan Prengën.
49 vjeçari ishte baba i pesë fëmijëve dhe kishte katër vëllezër dhe prej vitesh jetonte në zonën e Bathores./Ke.Ba/Fjala.al
