Ministrja e Kulturës Elva Margariti ka zhvilluar një takim ditën e sotme me ambasadorin e Bashkimit Evropian në Tiranë, Luigi Soreca.
Tema e diskutimit ka qenë restaurimi i parkut Arkeologjik të Bylisit pas dëmtimeve të dy kolonave të Nimfeut, ku mësohet se do të jetë një projekt i financuar nga Bashkimi Europian.
Ministrja bëri me dije se kanë diskutuar dhe për një aksion madhor në restaurimin e monumenteve të kulturës, të dëmtuara nga tërmeti i 26 nëntorit. Margariti ndër të tjera citon dhe diplomatin evropian se trashëgimia jonë kulturore është aseti ynë më i rëndësishëm, të cilin duhet ta kthejmë në një motor zhvillimi ekonomik
Postimi i Elva Margaritit:
Një takim i frytshëm sot me Ambasadorin e Bashkimit Europian, në Shqipëri, Luigi Soreca, me të cilin diskutuam mbi projektet tona të përbashkëta.
Krahas projektit të financuar nga BE, që parashikon ndërhyrje në Parkun Arkeologjik të Bylisit, diskutuam për një aksion madhor në restaurimin e monumenteve të kulturës, të dëmtuara nga tërmeti i 26 nëntorit.
Por puna jonë nuk do të ndalet vetëm në restaurime godinash, por edhe në shtimin e sa më shumë shërbimeve, që do të thithin sa më shumë vizitorë në muzetë dhe parqet tona arkeologjike.
Si do të thoshte edhe ambasadori Soreca, trashëgimia jonë kulturore është aseti ynë më i rëndësishëm, të cilin duhet ta kthejmë në një motor zhvillimi ekonomik.
/En.Br./Fjala.al
https://www.facebook.com/MargaritiElva/posts/2651726631737599?__xts__[0]=68.ARDxaq14S4nZecc8kdO7i59hSSWmYji9cLWJ44w7ykCXtbOccvSdpmaPJnkYtataoZeEFqZ2iWDGDsuKwm26UovI9-ybBLhR0gEPeX-LSjiG_o7XCDPZ2TK4kp3xWLpIAyt9TR48tbbKZa208B8_gcMLFM0YWcrAveZbTf1N3YWdMyg_ThtMEqzgCLDUwHCLYnWGuXitGRhlPZjnrw81kbjkf90vu9dWhsdQIJRqJA-Kc_HwqnzXcg_XWwqVx7v0Fttd22GGm0z-CEugOIa9xVbnZxWRcHdAJzxket5E5pr400beJi7b54kQ4Zqi7LgWJ3XcgMxXUo7UA-rHqVuzeJaPY7ja&__tn__=-R
