Skena apokaliptike janë regjistruar sërish në rrugët e Pekinit, teksa banorët duket se po përgatiten për një valë të dytë të koronavirusit dhe një karantinë të dytë. Në pamjet e realizuara në Xinfadi, qindra vetë duken në rrugë, duke ruajtur distancën nga njëri tjetri, në pritje të autobusëve.
Ndërsa nuk kanë munguar gjatë 24 orëve të fundit edhe radhët e gjata përpara qendrave tregtare dhe supermarketeve, njësoj siç ndodhi 5 muaj më parë gjatë shpërthimit të pandemisë. 7 hotele të mëdha në Pekin janë tashmë në dispozicion të të prekurve, për t’i karantinuar që në fillim, për të frenuar përhapjen e virusit raporton The Mirror.
Kryeqendra kineze e financës, Shangai, i kërkoi disa udhëtarëve që vinin nga Pekini që të karantinoheshin për 14 ditë, pasi gjithnjë e më shumë raste të reja po raportohen në vend.
Këto janë shifrat më serioze të raportuara nga Kina që prej muajit shkurt, duke rritur frikën e panikun për një valë të dytë të sëmundjes, që sot ka infektuar mbi 8 milionë persona në mbarë botën.
ka.ta/Fjala.al/
