Opozita ka kërkuar sot që Këshilli Politik të mblidhet në orën 17:00, pas propozimit të formulës së re që ka të bëjë me përzgjedhjen e anëtarëve të Komisionit Qendror të Zgjedhjeve, ditën e djeshme.
Përfaqësuesi i Partisë Demokratike, Oerd Bylykbashi sqaroi se anëtarët e tre trupave të KQZ të emërohen si në rastin e organeve të drejtësisë.
Ndërsa nga ana e Partisë Socialiste, Damian Gjiknuri tha se PD- LSI kërkojnë të kthehen tek KQZ-ja aktuale.
Rikujtojmë që mbledhja e ditës së djeshme u bojkotua nga Rudina Hajdari, e cila u largua teksa Gjiknuri, Vasili dhe Bylykbashi vijuan diskutimet për formulën e re të emërimeve të anëtarëve në KQZ por pa dakordësi.
Ndërkohë opozita akuzon mazhorancën se nuk po e pranon propozimin e ri sepse do që të kapë të treja organet e KQZ.ka.ta/Fjala.al/
