Aksioni i IKMT-s ka vazhduar edhe këtë të mërkurë për shembjen e objekteve pa leje në qarkun e Lezhës. Ndalesa e radhës ka qenë në Shëngjin për shembjen e disa objekteve.
Janë plotë 36 objekte që janë për t’u shembur, kryesisht me struktura druri. Sakaq disa prej pronarëve teksa kanë kundërshtuar ndërhyrjen janë konfrontuar edhe fizikisht me policinë.
Një prej banoreve në atë zonë bën me dije se u ka ardhur vetëm një njoftim verbal për ndërhyrjen ditën e nesërm (18 qershor) dhe nuk i është paraqitur dokument.
Fjala e plote
“Nuk keni nevojë që të rrini sot, nuk më keni dhënë shkresë. Nuk jam njoftuar. Më kanë thënë gojarisht vetëm për nesër. I kam të gjitha dokumentet qysh nga viti 2001. E kemi fituar me gjyq, kemi vazhduar punën me objektet e diktuara nga shteti. Unë s’kam ardhur në mënyrë të jashtëligjshme se kam paguar taksa. Kjo nuk është hera e parë që bëhet kjo. Më është prishur pa dokument. Më thanë se do të vijnë nesër.”
Bo.Ba/fjala.al
