Ceremonial i shtrembëruar totalisht nga virusi. Sonte në mbrëmje kush mes Napolit dhe Juventusit do të triumfojë në fushën e blertë dhe do të marrë trofeun e Kupës së Italisë, do të gjejë çmimin në tryezë pa ia dorëzuar askush. Masat për pandeminë e rikonceptojnë ceremoninë sipas FIGC.
Nuk do të jetë në stadiumin Olimpico të Romës as presidenti Mattarella. Ai preferoi të mos e shijonte privilegjin e mohuar për fansat, edhe pse posti i tij ia lejon, por do të ishte një diferencim “i vështirë”për tu kapërdirë nga tifozët. (fjala.al). Ndeshja transmetohet në 200 vende direct, duke përfshirë Shqipërinë.
Kështu, sot në mbrëmje në ceremoninë e Kupës së Italisë, nuk do të ketë asnjë përfaqësues të institucioneve që të nderojë fituesit dhe t’u japë atyre trofeun. E njëjta gjë për medaljet: lojtarët e të dy skuadrave do të dalin në skenë, përmes distancimit social, dhe do marrin medaljet në tavolinë. (fjala.al). Rreptësisht vetëm dhe pa kontakt me njerëzit e tjerë. Një grumbullim masiv i vetëm lejohet. Kur kapiteni i ekipit fitues ngre Kupën, shokët e tjerë të skuadrës do të jenë në gjendje të bashkohen në festime.
Mbi 40 transmetues do të transmetojnë sfidën në mbi 200 vende të ndryshme. Nga Amerika, Kina, Japonia dhe shtetet afrikane të Angolës, Burkina Faso, Burundi, Kameruni, Kenia, Guinea. Mauritius, Uganda dhe Zanzibar. Dhe ajo që do të shihet në televizion me siguri do të jetë diçka e re: Një finale pa spektatorë por me stendat e Olimpico që do të mbushen me koreografi dixhitale.(fjala.al).
