SPAK ka depozituar 11 kërkesat e para për konfiskim të pasurive të botës së krimit.
Mes pasurive që kërkohet konfiskimi, është automjeti tip ‘BMW’, në pronësi të ish kreut të bandës së Durrësit, Lulzim Berisha; kompleksi luksoz i “Hajrave”, në Shijak, të cilët akuzohen për pengmarrjen, vrasjen dhe më pas zhdukjen e trupit të Jan Prengës.
Gjithashtu SPAK ka kërkuar konfiskimin e disa banesave dhe truall të disa personave nga Shkodra, të cilët dyshohen se janë bashkëpunëtor të Hajrave.
Subjektet kanë minimalisht 6 muaj afat që gjatë gjykimit në GJKKO të sjellin prova, fatura, fakte ekspertiza ekonomike për të verifikuar pasurinë.
Deri tani asnjë nga këto pasuri që kërkohet sekuestro nuk është justifikuar dot. Këto pasuri janë të sekuestruara. Konfiskim do të thotë kalim në pronësi të shtetit./Bl.Ba/Fjala.al
