Kanë kaluar plotë gjashtë muaj nga rënia e tërmetit të 26 nëntorit. Pasditen e sotme qeveria ka miratuar me anë të një VKM-je përdorimin e fondit të rindërtimit për financimin e rikonstruksionit të banesave individuale dhe njësive të banimit në ndërtesa (pallat) në bashkitë Kamëz dhe Kavajë.
Ky fond që është miratuar mban shumën prej 510 240 000 lekë.
Bashkisë Kamëz do t’i transferohet fondi prej 163 890 000 lekësh, në formën e transfertës së pakushtëzuar, ndërsa bashkisë Kavajë i transferohet fondi prej 346 350 000 lekësh, po në formën e transfertës së pakushtëzuar.
Për zbatimin e këtij vendimi, ngarkohen ministri i Shtetit për Rindërtimin, Ministria e Financave dhe Ekonomisë dhe bashkitë Kamëz dhe Kavajë.
Bo.Ba/fjala.al
