Dy aksident automobilistik janë regjistruar pasditen e kësaj të enjteje në kryeqytet.
Mësohet se një drejtues mjeti ka humbur kontrollin e drejtimit të mjetit dhe ka dalë nga rruga. Ngjarja ka ndodhur rreth orës 16:50, tek Rrethrrotullimi i Saukut dhe mësohet se fatmirësisht dëmet kanë qenë vetëm materiale.
Ndërkohë që një aksident tjetër është regjistruar tek zona e “Brrylit”. Mësohet se mjeti me drejtuese shtetas M.N., ka përplasur një biçikletë duke lënë të plagosur drejtuesin e saj, ende të paidentifikuar. Ai është transportuar me urgjencë në spital dhe ndodhet nën kujdesin e mjekëve.
Shërbimet e Policisë ndodhen në vendngjarje dhe vijon puna për zbardhjen e rrethanave të aksidenteve./En.Br./Fjala.al
