“Vetëm nëse unë jam e çmendur” Kjo ishte përgjigjja e kryetares së LSI-së, Monika Kryemadhi kur u pyet nëse a do bënte koalicion me Edi Ramë në zgjedhjet qendrore të 2021 forca politike që ajo drejton.
Gjatë një interviste në emisionin “Opinion”, Kryemadhi u shpreh se ka një marrëveshje të partive opozitare që në 23 Prill.
“Ka një marrëveshje të nënshkruar më 23 Prill, nga të gjitha partitë e opozitës së bashkuar që kanë marr angazhimin për të shkuar në zgjedhje si front i bashkuar opozitar.
LSI do shkonte në koalicion me Ramën vetëm nëse unë jam e çmendur dhe jam njeri që nuk mbaj fjalën. Por unë shquhem si njeri që e mbaj fjalën. Një nga vështirësitë e mia më të mëdha është që po e dhashë fjalën i qëndroj deri në fund, qoftë edhe me kosto personale.” tha Kryemadhi./En.Br./Fjala.al
