Flamur Noka është nga ata politikanë në PD që shpreh entuziazëm se PD do jetë në pushtet në vitin 2021. Po cilat janë arsyet që ai jep? Në emisionin HARD TALK NGA ROLAND QAFOKU në grupin mediatik “FJALA”, Noka u shpreh se PD do vijë në pushtet pasi lideri i PD është një njeri me stil perëndimor dhe se kjo parti ka një platformë qeverisëse.
-A është e përgatitur PD për të ardhur në pushtet? Sepse nuk mjafton vetëm dëshira.
-Për çfarë arsye Edi Rama inicion nëpërmjet një grupi deputetësh për të iniciuar ndryshimin e Kushtetutës për të eleminuar të drejtën e koalicioneve. Ai e di shumë mirë se fundi i tij është tani.
-Pse çfarë ndodh nëse kjo vendoset?
-Kjo nuk do vendoset por shpresa e vetme që ka ai është të përçajë koalicionin opozitar. Ai e di shumë mirë se ora e tij ka ikur, Edi Rama tani është një ish. Partia Demokratike ka një lider me stof dhe me profil perëndimor, kjo është shpresë dhe besim. Lideri i opozitës çdo ditë parashtron platformën e qeverisjes. /Fjala.al/Ke.Ba
