Në vitin 2014 u hoqën nga puna mbi 1 mijë oficerë policie, ndërkohë u rikthyen në punë shumë oficerë policie që ishin larguar nga puna kur PD ishte në pushtet. Kjo krijoi për herë të parë në Shqipëri dy polici: Policinë e PS dhe policinë e PD kur këto forca ishin dhe janë në pushtet. Po si e analizon këtë ish-ministri i Brendshëm Flamur Noka? Në emisionin HARD TALK NGA ROLAND QAFOKU, në grupin mediatik “FJALA” , Noka u shpreh se Policia e Shtetit ndodhet në këtë pikë për shkak të largimit të shumë policëve për shkak të bindjeve politike.
-Sot kemi dy polici, atë të PS-së dhe atë të PD-së.
–Sot policia ka të larguar nga rradhët e saj të gjithë ata ekspertë dhe profesionistë që mundësuan vënien prapa hekurave të gjithë bandave te Shqipërisë. Numri i tyre është mbi 1 mijë. Janë larguar të gjithë ata që ndihmuan në hartimin e legjislacionit, ndihmuan në sigurimin e kufijve të Shqipërisë, ndihmuan maksimalisht në liberalizimin e vizave. Ata kanë bërë ligj që të mos lejohen të kthehen në punë. Ndaj sot Policia e Shtetit është në këtë pikë ku është. /Fjala.al/Ke.Ba
