Pas provimit të gjuhës së huaj, Gjuhës shqipe dhe Letërsisë dhe matematikës, maturantët i nënshtrohen sot provimit të fundit.
Maturantët do të testojnë njohuritë e tyre për lëndët me zgjedhje dhe me të përmbyllin gjithë gjimnazin.
Kujtojmë se maturantët testohen në kushte specifike me maska dhe doreza dhe me një distancë prej 1.5 metër në klasë, për shkak të situatës së koronavirusit.
Ndërkohë për ditë me radhë ata protestuan para ministrisë së Arsimit për testin e Letërsisë dhe pyetjen që bëri bujë “Çfarë bëri Turi?”, duke e cilësuar si konfuze.
Ministria e Arsimit deklaroi se testi i Letërsisë është kryer sipas programit dhe se do të konsiderojë heqjen nga vlerësimi përfundimtar i ndonjë pyetjeje specifike që rezulton të ketë pasur nivel më të lartë vështirësie se sa niveli i njohurive të nxënësve./Bl.Ba/Fjala.al
