Këngëtari The Weeknd i ka treguar fansave të tij, pak nga vila e tij mahnitëse në Los Angelos, të cilën e ka nxjerrë në shitje për 25 milionë dollarë.
Këngëtari i hitit “The blinding Lights” e bleu këtë vilë, vetëm 8 muaj më parë për 21 mln dollarë, por tani e ka nxjerrë në shitje, me çmim fillestar 25 mln, me një fitim prej 4 mln dollarë.
Vila pozicionohet në Hidden Hills, në një sipërfaqe prej 13.4 mijë metra katrorë e rrethuar nga një fushë basketbolli, një kantinë vere dhe një pishinë. Shtëpia përbëhet nga 9 dhoma gjumi dhe 11 tualete. Por vila përbëhet nga 3 shtëpia, të ndara nga njëra tjetra.
Pamjet brenda dhe jashtë kompleksit të vilave janë thjesht marramendëse. Garazhi mban 5 automjete, njëra më luksoze se tjetra. Ndërkohë njëra prej vilave ka një tarracë në formën e një restoranti, një tjetër pishinë, SPA dhe një pishinë të brendshme.
The Weeknd u bë i famshëm në vitin 2013 pas publikimit të albumit të tij Kiss Land, ndonëse përpiqej me këngë e videoklipe që prej 2010-ës.
Deri më sot këngëtari kanadez ka fituar 3 çmime Grammy, dy në vitin 2016 për performancën më të mirë R&B dhe albumin më të mirë kontemporan dhe urban dhe një në 2018 për albumin Starboy./RE.Gu/Fjala.al
