Largimi i kapitenit të kombëtares shqiptare të futbollit, Elseid Hysajt, te skuadra e Napolit dukej si një vendim i pandryshueshëm para disa muajsh.
Kalimi i Gennaro Gattusos në krye të stolit të Napolit solli edhe ndryshim në pozitat e futbollistit shqiptar te skuadra italiane.
Gattuso i dha të gjithë besimin e e nevojshëm lojtarit kuqezi, duke e luajtur në pjesën më të madhe të ndeshjeve si titullarë. Ndërsa fitorja e Kupës së Italisë ka bashkuar edhe më shumë skuadrën, gjë që ka pasur një efekt edhe tek vetë Hysaj, i cili tashmë po mendon të rinovoj kontratën, fakt të cilin e pranon agjenti i tij, Mario Giuffredi:
“Mes Hysaj dhe Gattuso ka një vlerësim të madh reciprok, edhe pas Kupës kanë folur gjatë. Gattuso dëshiron që Hysaj të qëndroj edhe vitin e ardhshëm, kërkon që të rinovoj kontratën. Hysaj bën pjesë në armatën e tij të anësoreve. Po, Gattuso po bën gjithçka për ta mbajtur tek Napoli”,-tha agjenti i Hysajt për mediat italiane.ka.ta/Fjala.al/
