Kryeministri Edi Rama ka reaguar pas bërjes publike të lajmit se vëllezërit Robert dhe Edmond Budina janë infektuar me koronavirus.
Në një postim në ‘Twitter’ Rama shprehet se i vjen shumë keq dhe i uron shërim të shpejt vëllezërve, ndërsa thekson se duhet të respektohen rregullat.
“Më vjen sinqerisht keq që dy vëllezërit Budina kanë rezultuar pozitiv në testin për Covid19! U uroj ta kalojnë sa më lehtë dhe të kenë shërim të shpejtë! Të gjithë duhet të bëjmë kujdes maksimal sepse virusi s’ka ikur dhe po përfiton nga neglizhenca e qytetarëve ndaj rregullave!”-ka thënë Rama.
Ndërsa nuk bëhet ende me dije se ku janë infektuar regjisori Robert Budina dhe aktori Edmond Budina, por rikujtojmë se ata kanë qenë në krye të protestave për Teatrin Kombëtar.ka.ta/Fjala.al/
Më vjen sinqerisht keq që dy vëllezërit Budina kanë rezultuar pozitiv në testin për Covid19! U uroj ta kalojnë sa më lehtë dhe të kenë shërim të shpejtë! Të gjithë duhet të bëjmë kujdes maksimal sepse virusi s’ka ikur dhe po përfiton nga neglizhenca e qytetarëve ndaj rregullave!
— Edi Rama (@ediramaal) June 19, 2020
