Gjykata e Apelit e ka aprovuar kërkesën e kryetarit të Federatës së Futbollit të Kosovës, Agim Ademit, për t’ia shtyrë datën kur duhet ta nisë vuajtjen e dënimit prej nëntë muajsh burgim, si shkak i gjendjes së tij shëndetësore. Kryetari i Federatës së Futbollit të Kosovës ishte dënuar më parë me nëntë muaj burgim për një çështje jashtë futbollit, të ndodhur në vitin 2012.
Ai fillimisht ishte ankuar në Gjykatën e Apelit, por kjo e fundit e mbështeti vendimin fillestar. Javën e kaluar u bë e ditur se Ademi ishte urdhëruar nga Gjykata Themelore e Prishtinës që të paraqitet në Shërbimin Korrektues në Prishtinë më së largu deri më 18 qershor. Megjithatë, Ademi vendosi të kërkojë për shtyrjen e ekzekutimit të këtij dënimi, kërkesë kjo që iu miratua.
Federata e Futbollit të Kosovës është prej kohësh e ndarë në disa klane të ndryshme. Pas largimit nga ky institucion i djalit të ish presidentit të ndjerë Fadil Vokrri, nisën sulmet ndaj Ademit. Ai po kërkohet të rrëzohet përmes zgjedhjeve të parakohshme nga një grup që mbështete nga disa klube.
