Statuja e eksploruesit të famshëm Italian, Kristofor Kolombi është hequr në qytetin e San Francisco-s pasi protestuesit e cilësuan si një simbol të shtypjes.
“Statuja peshonte rreth dy tonë dhe daton që prej vitit 1975, dhe u çmontua nga këshilli i qytetit pasi ishte një shënjestër e vandalizimit në vitet e fundit”, shkruajnë mediat vendase.
Zyrtarja Catherine Stefani, përmes një postimi në Twitter u shpreh se heqja e statujës së Kolombit ishte e domosdoshme pasi monumenti përfaqësonte baza të dhimbshme të historisë së vendit.
“Skllavëria, nënshtrimi dhe pushtimi janë fenomene që të gjithë duhet t’i dënojmë … statuja përfaqësonte një version imagjinar dhe të sterilizuar të historisë sonë duke e nderuar Kolombin, ndërsa injoronte traumën që shkaktuan veprimet e tij”, tha Stefani./Re.Gu/Fjala.al
