Dy persona, baba e bir janë arrestuar, ndërsa një tjetër po procedohet në gjendje të lirë, pasi shpërndanin kokainë në Durrës.
Mësohet se në pranga kanë rënë personat me inicialet A. I., 45 vjeç dhe F. I., 14 vjeç (babë e bir), banues në Durrës, ndërsa u procedua në gjendje të lirë shtetasi A. P., 36 vjeç, banues në Durrës.
Këta persona u arrestuan, pasi u konstatuan nga shërbimet e Policisë, në lagjen nr. 17, Durrës, duke shpërndarë lëndë narkotike të llojit kokainë në doza të vogla.
Ndërsa në cilësinë e provës materiale u sekuestruan 10.5 gr lëndë narkotike kokainë, 1 peshore elektronike, 7 aparate celularë, një automjet, një shumë parash dhe eurosh të përfituara nga shitja e lëndës narkotike.
Ndërkohë materialet i kanë kaluar Prokurorisë së Rrethit Gjyqësor Durrës, për veprën penale “Prodhimi dhe shitja e lëndëve narkotike”.ka.ta/Fjala.al/
