Trupat inspektuese të AKU-së me fokus sigurinë ushqimore kanë kryer 646 inspektime dhe monitorime si pjesë e Taks-Forcës kundër përhapjes së Covid-19, gjatë 24 orëve të fundit.
AKU bën me dije se po insistohet nga trupat inspektuese të Task-Forcës që të respektohet në mënyrë sa më të përpiktë protokolli i sigurisë kundër përhapjes së Covid-19, për ta përballuar këtë situatë të shtimit të rasteve të kësaj sëmundjeje si dhe këshillohet dhe orientohet sidomos në ruajtjen e distancës fizike dhe pajisjes me të gjitha elementët e tjera të sigurisë.
Sipas AKU gjatë inspektimeve janë vendosur 1 masë administrative nga trupa inspektuese e AKU-së në një subjekt super market për etiketim të parregullt të produkteve ushqimore. Gjithashtu është bërë bllokimi i menjëhershëm i kësaj sasie në masën e 20 kg si, fara luledielli të pjekura, fara të qëruara, fara kungulli të kriposura, kokoshka, koncentrat perimesh, pana cucina etj
“Bazuar Planit të Marrjes së Mostrave, janë marrë 18 mostra në të gjithë vendin, për monitorimin e frutave dhe perimeve për mbetje pesticide,” bën me dije AKU.
Bo.Ba/fjala.
