Lidhja Demokratike e Kosovës ka vendosur sot që të shkarkojë Vjosa Osmanin nga detyrat e saj. Pas mbledhjes së Këshillit të Përgjithshëm është vendosur që Osmani të mos jetë më nënkryetare e LDK-së.
Lajmi është konfirmuar nga deputeti i partisë LDK, Haxhi Avdyli i cili e quan këtë vendim skandaloz. Përmes një postimi në rrjetet sociale deputeti bën me dije se votimi është bërë online dhe gjithashtu ai hedh dyshime se mund të ketë pasur manipulime në votim.
“Vendimi i skandaloz për kinse shkarkimin përmes E-mail të Vjosa Osmanit nga organet drejtuese të LDK-së, i iniciuar nga njerëzit pa legjitimitet qytetar, paraqet vetëm një manipulim interneti e asgjë më shumë. Votimi i përmes e-mail është një vendim mashtrues dhe frigacak si gjithmonë i disa njerëzve që s’kanë guxim qytetar të maten e thirren si pronarë të LDK-së. Këta se kanë problem edhe ti manipulojnë rezultatet. Ekziston mundësia që rezultatet i këtij sondazhi Online mund te jenë manipuluar prandaj s’ka vlerë as juridike as obligativ për askënd. Ne dhe secili aktivistë i LDK-së do e konsiderojnë këtë vetëm si një sondazh pavlerë derisa ky vendim të mos merret konform rregullave demokratike”, shkruan Avdyli./Re.Gu/Fjala.al
