Një ngjarje e rëndë ka ndodhur ditën e sotme në qytetin e Tiranës, ku mësohet se dy punonjës të ndërtimit janë rrëzuar nga një lartësi e madhe.
Në një njoftim për mediat policia bën me dije se ngjarja ka ndodhur në rrugën ‘5 Maji’, ndërsa personat në fjalë janë dërguar menjëherë në spital ku po marrin trajtimin e nevojshëm.
Personat që janë rrëzuar nga lartësia , ndërsa ishin duke punuar janë Y.C., 47 vjeç dhe S.M., 59 vjeç.
Njoftimi i policisë:
Më datë 21.06.2020, rreth orës 15:00, në rrugën “5 Maji”, duke punuar në një banesë private, kanë rënë nga lartësia shtetasit Y.C., 47 vjeç dhe S.M., 59 vjeç, të cilët u dërguan menjeherë në spital dhe ndodhen nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.ka.ta/Fjala.al/
