Portieri i kombëtares shqiptare Etrit Berisha ka vuajtur një dëmtim serioz në seancën e fundit stërvitore, një frakturë në dorë që shqetëson jo vetëm ekipin e tij Spal, por gjithashtu dhe përfaqësuesen kuqezi.
Gardiani i Spal në një dyluftim me një shok të ekipit gjatë seancës stërvitore, pësoi një thyerje të “metakarpit” të pestë të dorës së djathtë.
Etrit Berisha do t’i nënshtrohet një vizite më të detajuar të hënën, por operacioni duket i pashmangshëm për portierin shqiptar, e madje dhe fundi i mundshëm i sezonit para kohe.
Spal humbet portierin titullar, deri më tani ndër më të mirët e skuadrës, dhe përveç dëmtimit ekipi merr edhe një tjetër goditje.
Është dëmtuar edhe portieri i dytë, kroati Karlo Letica. Ky e fundit ngadalë po rinis stërvitjen pas një problemi të muskujve që e detyroi atë të ndërpresë seancat javën e kaluar.
