Fitorja e fundit spektakolare e Manchester City në stadiumin Etihad meritonte një publik elektrizues, por situata nga Covid-19 i limitoi gëzimet e 5 golave ndaj Burnley, vetëm në pankinë dhe në vendet e tribunës për drejtuesit. Citizens ishin një “uragan” ndaj skuadrës që pretendon Europa League, por nga vendi i 11 do ti duhet shumë punë të arrijë kupat kontinentale.
Ederson, Joao Cancelo, Fernandinho, Otamendi, Zinchenko, Foden, Rodri, Silva, Mahrez, Aguero, Bernardo Silva… Ky ishte formacioni me plot 8 ndryshime i Pep Guardiolës krahasuar me suksesin e fundit ndaj Arsenal. Por në “Etihad Stadium” gjithçka funksionoi si një ansambël i vërtetë në sinkron.
Phil Foden hapi dhe mbylli llogaritë me dy golat e tij ndërsa në mes kishte vend për gëzimet e Ryad Mahrez dy herë, dhe spanjollit David Silva në sezonin e fundit me Citizens.
Manchester City tani është 20 pikë pas Liverpool, por suksesi me Burnley e shtyn festën e Reds përtej së mërkurës, kur armata e Jurgen Klopp të luajë në 21:15 ndaj Crystal Palace.
