Organizata Botërore e Shëndetit ka bërë me dije se në 24 orët e fundit është regjistruar shifra më e lartë e të infektuarve me koronavirus.
Plot 183 mijë persona kanë dalë pozitivë në testin e Covid-19 në të gjithë botën. Nga këto raste 54 771 persona janë në Brazil,36.617 në SHBA dhe mbi 15.400 në Indi, vendet me shifrat më të larta momentale.
Një tjetër rekord u shënua më 18 qershor me 181 232 me COVID-19 në një ditë, ndërsa në total që nga fillimi i pandemisë janë regjistruar rreth 9 milionë ose më saktë 8,963,439 persona të infektuar, nga të cilët kanë humbur jetët 468,485 vetë.
Numrin më të lartë të të vdekurve në botë e mbajnë SHBA-të me 119,977 persona, Brazili është i dyti me 50,591 të vdekur.ka.ta/Fjala.al/
