Gjatë mbrëmjes së djeshme në Kosovë është shënuar viktima e 37-ë e koronavirusit. Nga Klinika Infektive në Prishtinë është bërë me dije në një njoftim për mediat se ka humbur jetën një 70-vjeçar.
Viktima mësohet të ketë pasur edhe sëmundje të tjera bashkëshoqëruese. Ndërsa numri i të shtruarve në Infektivin e Prishtinës ka shkuar në 93 persona, 41 prej të cilëve ndodhen në terapi intensive dhe 5 janë të intubuar.
Njoftimi i Infektivit
Në klinikën Infektive të Qendrës Klinike Universitare të Kosovës, sipas raportit të datës 22.06.2020, janë të hospitalizuar 97raste. Prej tyre të sëmurë me Covid -19 janë gjithsej 93 raste. Sot, lirohet 1 rast i shëruar nga infeksioni me Covid- 19 dhe poashtu, lirohet 1 rast pozitiv në gjendje stabile për vetizolim në shtëpi. 41 raste janë duke u trajtuar me oksigjenoterapi dhe përkujdesje intensive. Ne repartin e Mjekimit Intensiv janë duke u trajtuar 5 raste në gjendje kritike. Mbrëmë në Repartin e Mjekimit Intensiv të klinikës ka ndërruar jetë pacienti 70 vjeçar nga komuna e Vushtrrisë, i pranuar me 13.06.2020, i cili përveç infeksionit me Covid -19 kishte edhe sëmundje tjera shoqëruese.ka.ta/Fjala.al/
