Pas oshilacioneve dhe dyshimeve nga ana e stafit teknik, tani duket se Christian Eriksen po shkëlqen me fanelën e Inter. Danezi e bindi trajnerin Conte të ndryshojë skemën dhe kundër Napolit dhe Samp ai ishte i shkëlqyer, ndërsa bashkëpunimi me dyshen sulmuese po rritet. Kjo, edhe falë përgatitjes së re dhe italishtes që po mëson…
Duke folur në San Siro pas fitores kundër Samp, Christian Eriksen ishte shumë i drejtpërdrejtë: “A mund ta fitojmë titullin? Po”. Interi beson në rikthimin në krye dhe gjithashtu beson te nordiku të sepse më në fund po zbulon Eriksen të vërtetë. Ish mesfushori i Tottenham, një objekt misterioz në shkurt dhe në fillim të marsit, hyri në zemër të ekipit dhe ishte vendimtar në dy ndeshjet e para pas pjesës së dytë.
Christian Eriksen po cilësohet tani, qendra e gravitetit e Interit. Duhej të ishte që në fillim, kur ai mbërriti me gradat si “anti-CR7”. Por në javët e para në Milano ai vuajti nga mospërshtatja në mekanizmat e Conte, duke mos u adaptuar me një sistem tashmë të testuar. Tani gjithçka duket se ka ndryshuar, sepse Interi është përshtatur me Eriksen dhe jo anasjelltas. 3-4-1-2 i nisur nga trajneri është provë e qartë.
Tani takimi me golin e parë në Serie A vetëm po shtyhet, sepse Christian Eriksen do të përpiqet përsëri të mërkurën ndaj Sassuolo. Një nga arsyet e ndryshimit është një që ka pak të bëjë me teknikën: Italishtja. Pasi ka filluar studimin e gjuhës, kjo ka bërë që ai të bashkohet përfundimisht në grup dhe madje në fushë ai tani është në gjendje të kuptojë shumë më tepër. Nëse është fizikisht mirë, ai luan aty ku preferon dhe ka topin midis këmbëve…kjo i duhet Interit për ëndrrën për titull.
