Deputeti i opozitës, Kujtim Gjuzi i është përgjigjur fjalëve që kryeministri Edi Rama i tha gjatë seancës plenare të ditës së enjte.
Ndërsa ka dalë nga Kryesia e Kuvendit, në një prononcim për mediat, Gjuzi i ka thënë Ramës se shamia e beqarit digjet vetëm njëherë dhe ka theksuar se është i nervozuar me kreun e qeverisë.
“Të enjten e kaluar lëshoi batutë që s’kishte kuptim. Ne jemi shqiptarë e një herë e djegim shaminë e beqarit. Unë jam i nervozuar me thënien e kryeministrit”,- u shpreh Gjuzi.
Ndërsa rikutjojmë se ditën e enjte Rama iu drejtua me fjalët “të hëngsha shaminë, vetëm mustaqet s’të heqim dot”.
Më tej deputeti tha se kishte marrë garanci nga kryeparlamentari Gramoz Ruçi për hapjen e Kodit Zgjedhor.
“Duhet të jenë në bisedime për të hapur kodin zgjedhor, kodi zgjedhor do hapet e sigurt, kemi marrë garanci nga kryetari i Kuvendit që do vazhdojmë të bisedojmë seriozisht për këtë punë. Çfarë është bërë prej pesë ditësh? Bëhen lojëra politike me sekretarin e përgjithshëm të PS që thotë do çojmë Metën këtu e do marrim Metën atje”-vijoi ai.ka.ta/Fjala.al/
