Ish deputeti i PS-së, Elmaz Sherifi ka reaguar përmes një postimi në Facebook lidhur me opinionet e Komisionit të Venecias për Kushtetuesen.
“Komisioni i Venecias ua dha “goditjen ne tru”! Veprimet e kryetarit të shtetit u vlerësuan kushtetuese me Opinionin Përfundimtar të Komisionit te Venecias, madje ai e ka mbrojtur kushtetuten nga sjellja antikushtetuese e Manjës dhe Kuvendit te Sajuar.”- shkruan Sherifi ndërsa nuk kursen ironinë ndaj kreut të komisionit të ligjeve Ulsi Manja.
Postimi i plotë:
Kryetari i Komisionit të Ligjeve ligjëronte e protestonte dikur, përse kryetari i shtetit, nuk pranoi emërimin e anëtares së Gjykatës Kushtetuese nga Kuvendi dhe betimin e saj para tij, ashtu si e vlerësoi dekretimin e një anëtareje të Gjykatës Kushtetuese nga kryetari i shtetit antikushtetuese, e për ato shkaqe Manja, bëri ligj, dhe i’a hoqi kompetencën kushtetuese kryetarit të shtetit për betimin e anëtarëve të Gjykatës Kushtetuese para tij.
Me seriozitetin dhe kompetencën profesionale që shfaqte çdo dite i premtoi opinionit se konfliktin do e zgjidhte Komisioni i Venecias. Prandaj, më shumë bujë mediatike “atë mot”, para Corona Virusit, u binte tam tameve e paralajmëroi se edhe kryetari i shtetit do te shkarkohej si shkelës i kushtetutës !
Komisioni i Venecias ua dha “goditjen në tru”! Veprimet e kryetarit të shtetit u vlerësuan kushtetuese me Opinionin Përfundimtar të Komisionit të Venecias, madje ai e ka mbrojtur kushtetutën nga sjellja antikushtetuese e Manjës dhe Kuvendit te Sajuar.
Venecia foli, por, nuk dëgjon Manja!
Me kompetencën profesionale që e shfaq në raste nevoje, paralajmëroi se do e analizojnë raportin, por sdo “kthehen prapa”, përkundrazi do “ecin para”, dhe Kuvendi i Sajuar mund të ndryshojë edhe Kushtetutën e Republikës së Shqipërisë, e cila është miratuar me Referendum.
Rasti për ta ndryshuar kushtetutën sipas të “pa parëve” ka mbërritur. Me hallin që i ka zënë nga marrëveshja e Këshillit Politik, duhet ndryshuar kushtetuta për të hequr koalicionet parazgjedhore dhe kompetencat e kryetarit kryetar të shtetit për emërimet dhe betimin e anëtarëve të Gjykatës Kushtetuese para tij.
Janë marrosur e s’dinë se çfarë te bëjnë. Goditja që morën nga Amendamenti i Parlamentit Europian me 532 vota, nga 688 anëtarë, për plotësimin e 15 kushteve para Konferencës Ndërqeveritare, me sa shihet, do i çojë ne çmenduri të tjera. Militante partiak kanë rastin të shohin komeditë politikë absurde. Kohë qyfyresh!/Bl.Ba/Fjala.al
