Futbolli i Premier League është rikthyer pas tre muajsh dhe çdo skuadër ka zbritur në fushë me synimin për të përmirësuar renditjen në një kalendar ferri që ka ofruar federata. Por kush janë lojtarët që po spikatin më shumë….
Manchester City është skuadra më e përfaqësuar në 10 futbollistët më të mirë, që pas rinisjes së Premier League. Riyad Mahrez, Danny Ings dhe Paul Pogba kanë rifituar admirimin e tifozëve për lojën e bërë por seti i parë i ndeshjeve pa shumë gola në kampionat, dha disa shfaqje të pabesueshme nga lojtarët që ndoshta nuk do të prisnit t’i vendosnit në qendër të vëmendjes.
Më i miri në javën e parë pas rinisjes, po zbulohet talenti i Manchester City, Phil Foden. Nuk ka nevojë që Citizens të gjejnë një zëvendësues këtë verë për David Silva, sepse talenti i shtëpisë është ideali dhe këtë e tregoi mme Burnley. I dyti mes më të mirëve që spikatën është dhe sulmuesi i Southampton Danny Ings që kontribuoi në suksesin ndaj Norëich 3-0.
I treti në listën e atyre që spikatën më shumë është mesfushori ofensiv Riyad Mahrez. Futbollisti algjerian i City, tregoi një paraqitje impresionuese këtë të hënë në Etihad Stadium, e me gjasë do jetë sërish në formacion.
