Trajneri i Manchester City, Pep Guardiola ka frikë se Sergio Aguero mund të humbasë pjesën tjetër të këtij sezoni me një dëmtim të gjurit që vuajti këtë të hënë në mbrëmje në fitoren impresionuese ndaj rivalëve të radhës. Aguero u ndal në mes të sfidës kundër Burnley pasi fitoi një penallti.
Sulmuesi që me City ka shkruar rekorde, u detyrua të linte fushën, dhe lajmet nga infermieria nuk janë të mira. Guardiola e përjashtoi aktivizimin e Aguero për javët në vazhdim, madje ai nuk do të luajë as në FA Cup ndaj Neëcastle.
“Nuk duket mirë,” tha trajneri i Manchester City, Pep Guardiola. ‘Sergio Aguero ndjeu diçka, por nuk duket mirë dhe për këtë sezon ndoshta nuk do luajë më. Doktori Max Sala thotë se do të duhet kohë. Disa ndeshje mungesë janë të sigurta” tha Guardiola.
Premier League përfundon në 26 korrik, por në fokus është dhe Europa me City që përballet me Real Madridin në Ligën e Kampionëve në ndeshjen e fundit të 16-sheve. Lëndimi i 32-vjeçarit ishte nota e vetme negative për City, pas një fitoreje që Phil Foden e përshkroi si performancën e tij më të mirë për klubin.
