Phil Foden u shpall “Man of the Match”, lojtari më i mirë i ndeshjes së City kundër Burnley. Ai zëvendësoi Kevin de Bruyne në mesfushën e Manchester City, por spikatja e tij ishte në vazhdën e një reparti mbi të gjithë që po shkëlqen që nga rinisja e Premier League: Mesfushës…
Me numrat në mendje dhe paraqitjen ekzaltuese në fushë, ky repart në ekipet ishullore po garanton performancë dhe gola. Për “gjysmën” e kuqe të qytetit të Manchester, Bruno Fernandes i United shënoi golin e vetëm kundër Tottenham Hotspur pasi sulmuesit Marcus Rashford, Anthony Martial dhe Daniel James nuk arritën të kishin ndikim kundër mbrojtjes së fortë të Spurs. Goli i Fernandes erdhi nga një penallti e fituar nga Paul Pogba, i cili gjithashtu ishte i spikatur në rikthimin e tij në mesfushën e United.
Të gjithë ekipet e Premier League ishin në ankth për të shmangur dështimin duke u ekspozuar në prapavijë shumë pak, ndoshta nga frika se ata nuk do të ishin në gjendje të plotë fizike pas tre muajsh pa futboll aktiv. Ekipet priren të ngadalësonin veçanërisht kur luanin kundër një rivali më të mirë, dhe lanë pak hapësirë për të shfrytëzuar përpara.
