Ka shkuar në tre numri i të arrestuarve lidhur me vrasjen e Hekuran Billës mbrëmjen e 11 qershorit në kryeqytet.
Në pranga është vënë një 26-vjeçare me Adjola Lakra, banuese në Tiranë, i dyshuar si bashkëpunëtore në atentatin ndaj 40-vjeçarit.
“Kjo shtetase dyshohet se është bashkëpunëtore në vrasjen e shtetasit H. B., së bashku me shtetasin V. M. (vëllai i shtetasit P. M., i cili është vrarë në vitin 2006, në Angli, nga shtetasi H. B.) dhe shtetasin S. M. (nipi i shtetasit P. M).” thuhet në njoftimin e policisë.
Burime bëjnë me dije se 26-vjeçarja ka nxjerrë në pritë 40-vjeçarin.
Materialet i kalojnë Prokurorisë së Rrethit Gjyqësor Tiranë, për veprën penale ”Vrasja me paramendim” e kryer në bashkëpunim, në ngarkim të shtetases A. L.
Lidhur me atentatin ndaj Hekuran Billës më 11 qershor te zona e “Komunës së Parisit” në kryeqytet, më herët janë arrestuar Viktor Marku (i dyshuar si autori kryesor i ngarjes) dhe Seabastian Mali (nipi i Viktor Markut).
Ngjarja dyshohet se ka lidhje për hakmarrje, pasi Viktor Marku është vëllai i Prel Markut të vrarë në vitin 2006 në Angli nga Hekuran Billa./En.Br./Fjala.al
