Sergei Hrushov, djali i udhëheqësit sovjetik të epokës së Luftës së Ftohtë, Nikita Hrushov, i cili u bë qytetar amerikan në 1999, është gjetur i vrarë në shtëpinë e tij në Rhode Island, bëjnë me dije autoritetet vendase.
84-vjeçari kishte një plagë me armë zjarri në kokë, sipas Joseph Wendelken, një zëdhënës i zyrës së ekzaminuesit mjekësor shtetëror.
Dyshimet paraprake janë se ngjarja ka të bëjë me një vetëvrasje. Ai u gjet i pajetë nga gruaja e tij, e cila njoftoi menjëherë policinë. Sipas autoriteteve vendase, hetimet janë mbyllur dhe nuk është ngritur asnjë kallëzim penal.
Sergei Hrushov ishte një shkencëtar rakete në Bashkimin Sovjetik dhe u transferua në Rhode Island në 1991 për të dhënë leksione për Luftën e Ftohtë në Universitetin Brown. Ai dhe gruaja e tij, Valentina, u bënë shtetas të natyralizuar të SHBA në korrik 1999.
“Ndihem si një i porsalindur. Është fillimi i një jete të re” tha Sergei Hrushov për Associated Press, pasi bëri betimin për nënshtetësi brenda një auditori të shkollës Katolike Romake.
Në një intervistë tjetër, ai tha se shpresonte që babai i tij, i cili vdiq në 1971, do të ishte mbështetës i shtetësisë së tij amerikane.
Burimi: Associated Press /En.Br./Fjala.al
