Presidenti i Kosovës Hashim Thaçi ka njoftuar mesditën e sotme se ka mbërritur në Tiranë.
Kjo vizitë në Shqipëri vjen pas ngritjes së aktakuzave nga Zyra e Prokurorit të Specializuar për krime gjatë Luftës së Kosovës dhe anulimit të udhëtimin drejt Uashingtonit ku ishte parashikuar të mbahej takimi mes tij dhe Presidentit serb në Shtëpinë e Bardhë.
Thaçi bën me dije se ditën e dielë do të dalë në një konferencë shtypi nga zyra e tij në Prishtinë për të komunikuar lidhur me akuzat e ngritura ndaj tij dhe kreut të PDK-së, Kadri Veselit.
“Sapo kam zbritur në Aeroportin “Nëna Terezë” në Tiranë, ndërkaq, të dielën në mbrëmje do t’ju drejtohem me një fjalë nga zyra ime. Ju uroj një fundjavë të qetë dhe mbetem me shpresë të plotë se ditët më të mira për Kosovën dhe kombin shqiptar i kemi përpara”, shkruan Hashim Thaçi në Facebook. /En.Br./Fjala.al
https://www.facebook.com/HashimThaciOfficial/posts/3947867591950237?__tn__=-R
