Policia e Tropojës ka bërë të mundur ditën e sotme arrestimin e 4 personave dhe shpalljen në kërkim të 3 të tjerëve me akuzën e kultivimit të bimëve narkotikë.
Operacioni “Porosia” ka bërë të mundur kapjen e tyre në flagrancë, në momentin e këmbimit të 518 gramë lëndë narkotike.
Si rezultat i operacionit, nga specialistët për Hetimin e Krimeve në Komisariatin e Policisë Tropojë u arrestuan në flagrancë shtetasit:
B. B., 45 vjeç, banues në Shoshan, Tropojë;
E. H., 32 vjeç, banues në Bajram Curri, Tropojë;
P. M., 52 vjeç, banues në Shoshan, Tropojë;
F.M., 19 vjeç banues në Shoshan, Tropojë
Ndërkohë janë shpallur në kërkim S. P., A. P. dhe S. S., banues në Tropojë, si autorë të dyshuar të tentativës për kultivimit të bimëve narkotike.
“Kontrolli i territorit do të vijojë pa ndërprerë duke kontrolluar çdo cep të territorit dhe në zonat më të largëta, falë përdorimit të flotës së dronëve apo helikopterëve.”- bëhet me dije nga policia . /Ra.My. Fjala.al/
