Organizata Botërore e Shëndetit ka bërë një tjetër paralajmërim të frikshëm në lidhje me valën e dytë të koronavirusit.
Gjatë ditës së premte një zyrtar i OBSH-së tha se pandemia vdekjeprurëse deri më tani është zhvilluar ashtu siç ishte parashikuar, ndërsa shtoi se vala e dytë do jetë shumë më e rëndë.
“Krahasimi është me gripin spanjoll që është zhvilluar ekzaktësisht si Covidi, u dobësua në verë dhe u rikthye ashpërsisht në shtator dhe tetor, duke shkaktuar 50 milionë viktima gjatë valës së dytë”- u shpreh Ranieri Guerra, ndihmës drejtor i përgjithshëm i iniciativave strategjike.
Në një intervistë për televizionin Rai, ai theksoi se pandemia po sillet ashtu siç ekspertët e OBSH kishin hamendësuar.
Më tej Guerra u shpreh se ndonëse tashmë spitalet janë thuajse të boshatisur në vjeshtë pritet që të rimbushen sërish dhe ndaj janë duke u marrë masa pirr të kufizuar virusin kur e gjithë kjo të fillojë.ka.ta/Fjala.al/
