Shkëmbimi Arthur-Pjaniç është pothuajse një operacion i kryer dhe goditja përfundimtare mund të vijë këtë të shtunë.
Siç mësoi La Vanguardia, lojtari katalanas planifikon të udhëtojë këtë të shtunë drejt Italisë pas ndeshjes kundër Celta de Vigo për t’iu nënshtruar testeve mjekësor me Juventusin, ndërsa Pjanic do të bënte udhëtimin e kundërt në Barcelona për t’iu nënshtruar testeve mjekësore te ekipi blaugran.
Firma mbi kontratë do të hidhet midis të dielës në mëngjes dhe të hënën. Të dy lojtarët do të përfundojnë këtë sezon me klubet e tyre përkatëse.
Nga pikëpamja e direktivës e Barcelonës, operacioni është kryesisht për shkaqe ekonomike. Sikurse raportohet nga La Vanguardia, ekipi blaugran duhet të përfitojë 150 milion euro këtë sezon nga shitjet për shkak të krizës së pandemisë së koronavirusit.
Shitja e Arturit, i cili do të nënshkruajë për pesë sezone me ekipin italian dhe disa kushte shumë të mira që përmirësojnë ato që ai ka në Barcelona, shoqërohet me përfshirjen e Pjanic, një mesfushor 30-vjeçar boshnjak.
Flitet për shifra që do të ishin rreth 70 milion euro për brazilianin dhe rreth 60 milion për boshnjakun, numra që do të shërbejnë për të ëmbëlsuar buxhetet. /En.Br./Fjala.al
