Gjykata e Tiranës ka caktuar masën e sigurisë “Arrest me burg” për 26-vjeçaren Adiola Lakra e cila u vu në pranga lidhur me atentatin ndaj Hekuran Billës mbrëmjen e 11 qershorit në kryeqytet.
Ajo akuzat si bashkëpunëtore në krim, pasi ka qenë pikërisht ajo që futi në kurth 40-vjeçarin duke sinjalizuar autorët rreth lëvizjeve të Hekuran Billës. Ajo ishte e dashura e Sebastian Malit, të arrestuar më herët, dhe ai e ka shtyrë për të flirtuar me Billën.
Gjatë seancës së sotme, ajo ka mohuar akuzat dhe ka deklaruar se nuk ishte në dijeni se dy familjet ishin në hasmëri me njëra-tjetrën.
“Unë kam qenë e lidhur me Sebastian Malin pasi jetoja në të njëjtin pallat ku e ëma e tij kishte parukerinë. Jemi lidhur por më pas jemi ndarë, fillimisht më ka bërë Billa ftes në Instagram kemi folur dhe jemi lidhur, ne gjithmonë takoheshim në të njëjtin vend pasi Hekurani nuk lëvizte”, tha Lakra.
Lidhur me atentatin ndaj Hekuran Billës te zona e “Komunës së Parisit” në Tiranë, më herët janë arrestuar Viktor Marku (i dyshuar si autori kryesor i ngarjes) dhe Seabastian Mali (nipi i Viktor Markut).
Ngjarja dyshohet se ka lidhje për hakmarrje, pasi Viktor Marku është vëllai i Prel Markut të vrarë në vitin 2006 në Angli nga Hekuran Billa./En.Br./Fjala.al
