Presidenti i Kosovës Hashim Thaçi mbrëmjen e kësaj të hëne iu është drejtuar me një mesazh prekës qytetarëve.
Me anë të një deklarate për mediat, ai foli për akuzat ndaj tij për krime lufte, u shpreh se gjatë karrierës, gabime mund të ketë bërë, por krime lufte asnjëherë.
Thaçi nënvizoi faktin se nëse koha do të kthehej sërish, prapë do ta luftonte regjimin gjakatar të Slobodan Milloshevit.
Fjala e plotë
“Kam nderin e madh të ushtrimit të detyrës së presidentit të Kosovës së lirë dhe demokratike. Zemra ime është e lënduar, por jo dhe e thyer. Gjaku im është i nxehur, por i pastër dhe i njësuar me ata që dhanë jetën në luftën e UCK, është i njëjtë me ata që më kanë mbështetur dhe me gjakun e atyre që më kanë gjykuar. Ndihem sot i çliruar nga brengat politike. Jemi të gjithë bij dhe bija të kësaj toke dhe të gjithë duam më të mirën për Kosovën. Por politika i ka dhe këto, mua tashmë më janë kujtuar ata që dhanë jetën për lirinë, nga koha kur isha djalë idealist deri tani që jam me flokë të bardha.
Nuk më është dridhur qerpiku për procesin e ashtuquajtur krime lufte. E kam ditur se ne si UCK do të paguanim gjithçka për lirinë që ia dhamë Kosovën. Është e drejtë që duhet të zbardhet çdo krim që ka ndodhur. Shumë prej luftëtarëve të UCK-së kanë dalë mbi akuzat monstruoze. E njëjta gjë do ndodhë edhe me me vëllain tim jo të gjakut Kadri Veselit. Gabime edhe mund të kem bërë, por krime lufte jo. Nëse do të kthesha pas, do t’ia ktheja plumbin prapë regjimit të Sllobondan Millosheviçit”
Bo.Ba/fjala.al
