Presidenti i Republikës Ilir Meta ka zhvilluar këtë të hënë një bisedë telefonike me Presidentin e Sllovenisë Borut Pahor.
Dy homologët mësohet të kenë ndarë shqetësime të përbashkëta në lidhje me situatën e pandemisë në vend dhe rajon.
Meta theksoi domosdoshmërinë e një bashkëpunimi më intensiv ndërmjet vendeve tona, për të ndërtuar një strategji që do të mundësonte daljen sa më të sigurt dhe të shpejtë nga pandemia.
Krerët e shteteve vlerësuan marrëdhëniet miqësore e të bashkëpunimit midis dy vendeve dhe popujve tanë, si dhe shprehën besimin se ky bashkëpunim do të forcohet edhe më tej në të ardhmen në të gjitha fushat.
Presidenti Meta i shprehu Presidentit Pahor mirënjohjen për mbështetjen solide që Sllovenia i ka dhënë në vijimësi procesit të integrimit evropian të Shqipërisë.
Bo.Ba/fjala.al
